[]
حیدرآباد: لوک سبھا انتخات سے پہلے تلنگانہ بی جے پی کو دھکہ پہنچا ہے کیونکہ پارٹی لیڈروکرم گوڑنے زعفرانی جماعت سے استعفی دے دیا ہے۔
کانگریس کے سینئر لیڈر وسابق ریاستی وزیر مکیش گوڑکے فرزند وکرم گوڑنے بی جے پی کے ریاستی سربراہ و مرکزی وزیرسیاحت جی کشن ریڈی کو اپنا مکتوب استعفی روانہ کردیا ہے۔
اس بات کی اطلاعات ہیں کہ وکرم گوڑ جلد ہی کانگریس میں شامل ہوجائیں گے۔حال ہی میں ہوئے تلنگانہ اسمبلی انتخابات میں وکرم گوڑنے حلقہ اسمبلی گوشہ محل سے پارٹی ٹکٹ دینے کی خواہش کی تھی تاہم پارٹی نے انہیں امیدوارنہیں بنایا اور راجہ سنگھ کی معطلی کو ختم کرتے ہوئے اس کو تیسری مرتبہ اس حلقہ سے امیدوار بنایاگیا۔
تب ہی سے وکرم گوڑپارٹی سے ناراض تھے۔انہوں نے حال ہی میں اپنے حامیوں کے ساتھ اجلاس منعقد کیا تھا جس کے بعد آج انہوں نے استعفی دے دیا۔
ہمیں فالو کریں
