[]
حیدرآباد: تلنگانہ کے نرمل ٹاون میں ایک فوجی نے خودکشی کرلی۔مقامی افراد کے مطابق وینکٹا پور کا رہنے والا28سالہ رمیش فوجی جوان تھا جو کولکتہ کی سرحد پر تعینات تھا۔
حال ہی میں وہ چھٹی پر آیا تھا کیونکہ اس کے برادر نسبتی کی شادی تھی۔ شادی کی تقریب ختم ہونے کے بعد وہ اپنے آبائی ٹاون پہنچ گیا اوراس نے اپنے کمرے میں پنکھے سے لٹک کر خودکشی کرلی۔
کافی دیر تک کمرے سے باہر نہ آنے پر گھر والوں نے اندر جا کر اسے پنکھے سے لٹکا ہوا پایا۔ اطلاع ملنے پر پولیس نے وہاں پہنچ کر پنچنامہ کیا۔
خودکشی کی وجوہات معلوم نہیں ہوسکی۔پولیس نے بتایا کہ اس فوجی کی ماں کی شکایت پر مقدمہ درج کیا گیا ہے۔
ہمیں فالو کریں
