نوجوان طالب علموں کی کردار سازی کی اسکیم

امور نوجوانان اور کھیل كی وزارت کے تحت نوجوانوں کے امور کا محکمہ شخصیت سازی اور قوم سازی کے دوہرے مقاصد کی پیروی کرتا ہے جن كا تعلق نوجوانوں کی شخصیت کی نشوونما اور انہیں اپنی فیلڈ آرگنائزیشنز اور مختلف اسکیموں کے ذریعے قوم سازی کی مختلف سرگرمیوں میں شامل کرنے سے ہے۔ اس طرح ملک کے نوجوان طلباء سمیت نوجوانوں کی تعمیری اور تخلیقی توانائیوں کو بہترین طریقے سے استعمال کرنا ہے۔ مثال کے طور پر نیشنل سروس اسکیم (این ایس ایس) رضاکارانہ کمیونٹی سروس کے ذریعے طالب علم نوجوانوں کی شخصیت اور کردار کی نشوونما میں مصروف ہے۔ این ایس ایس کا مقصد ‘خدمت کے ذریعے تعلیم’ ہے۔

نہرو یووا کیندر سنگٹھن اپنے مختلف پروگراموں اور مداخلتوں کے ذریعے نوجوانوں کو بااختیار بنانے اور ان كی شہری امور سے وابستگی کے لیے ان تک پہنچ رہا ہے۔ گاؤں پر مبنی 3.04 لاکھ یوتھ کلبوں کا موجودہ نیٹ ورک 52.11 لاکھ نوجوانوں کی رکنیت کے ساتھ ظاہر كرتا ہے كہ نوجوانوں کے درمیان اس کا دائرہ كتنا وسیع ہو رہا ہے۔

نوجوانوں کے امور کے محکمے کے تحت ایک خود مختار ادارہ میرا یووا بھارت (ایم وائی بھارت) کو فعال کرنے کا ایک وسیع طریقہ کار قائم کیا گیا ہے،جو ٹیکنالوجی سے تقویت یافتہ ہے۔ یہ نوجوانوں کی ترقی اور امرت کال کے دوران ’کارتویہ بودھ‘ اور ’سیوا بھاو‘ کے ذریعے نوجوانوں کی قیادت میں ترقی كے لیے ہے۔ یہ طریقہ کار نوجوانوں کو اپنی امنگوں کو عملی جامہ پہنانے اور 2047 تک امرت بھارت کی تعمیر کے مواقع تک مساوی رسائی فراہم کرے گا۔یہ پلیٹ فارم نوجوانوں کو سرکاری محکموں میں پروگراموں اور سیکھنے کے مواقع سے جوڑتا ہے۔ اس طرح کی مصروفیت نوجوانوں کی مقامی کمیونٹی کے مسائل کے بارے میں سمجھ بوجھ کو گہرا کرے گی اور انہیں تعمیری حل سامنے لانے میں مدد فراہم کرے گی۔ اس طرح نوجوانوں میں قائدانہ صلاحیتیں پیدا ہوتی ہیں۔

یہ اطلاع نوجوانوں کے امور اور کھیلوں کے مرکزی وزیر انوراگ سنگھ ٹھاکر نے آج راجیہ سبھا میں ڈاکٹر سمیر سنگھ سولنکی کے ایک سوال کے تحریری جواب میں دی۔