[]
نئی دہلی: فضائیہ کے نگراں ادارہ ڈی جی سی اے نے مسافرین کے مفادات کا تحفظ کرنے اپنے غیرمتزلزل عہد کو اجاگر کرتے ہوئے مسافروں پر مرکوز قواعد کی عدم تعمیل پر ایرانڈیا پر 10لاکھ روپے کا جرمانہ عائد کیا ہے۔
ڈی جی سی اے نے بتایا کہ اس نے دہلی‘ کوچی اور بنگلور ایرپورٹس پر مئی اور ستمبر میں شیڈولڈ ڈومیسٹک آپریٹرس کا معائنہ کیا تھا۔
تاکہ قواعد کے مطابق مسافرین کو سہولتوں اور معاوضہ کی فراہمی سے متعلق ان کی ذمہ داریوں کی ادائیگی کا جائزہ لے سکے۔
معائنہ کے دوران دیکھا گیا کہ ایرانڈیا سیول ایوی ایشن ریکوائرمنٹ (سی اے آر) کی متعلقہ دفعات کی پابندی نہیں کررہا ہے۔
ایرانڈیا کو 3 نومبر کو وجہ نمائی نوٹس جاری کی گئی تھی اور متعلقہ قواعد کی پابندی نہ کرنے پر جواب طلب کیا گیا تھا۔
