ممبئی بن رہا ’مِنی جامتاڑا‘! 2 سال میں 1800 کروڑ سے زائد کی ٹھگی، محض 10 فیصد رقم برآمد

واضح رہے کہ رواں سال فروری ماہ تک ممبئی میں سائبر جرائم کے 952 معاملے درج کیے گئے، ان میں سے صرف 120 معاملے ہی حل کیے جا سکے ہیں اور مجموعی طور پر 107 افراد کو گرفتار کیا گیا ہے۔ گزشتہ سال ممبئی میں سائبر جرائم کے مجموعی طور پر 4825 معاملے درج کیے گئے، پولیس ان میں سے 1452 معاملوں کو حل کرنے میں کامیاب رہی اور کل 1410 ملزمان کو گرفتار کیا گیا۔ اگر 2024 کی بات کریں تو ممبئی میں سائبر جرائم کے کل 5087 معاملے درج کیے گئے، پولیس ان میں سے صرف 1253 معاملوں کو ہی سلجھانے میں کامیاب رہی اور 1294 ملزمان کو گرفتار کیا گیا۔