خواتین ریزرویشن: اپوزیشن کے خلاف مظاہرہ کر رہے مہاراشٹر کے وزیر پر سرعام برس پڑی خاتون، کہا ’یہاں سے باہر نکل جاؤ‘

دوسری طرف مہاراشٹر کانگریس کے صدر ہرش وردھن سپکال نے یہ ویڈیو شیئر کرتے ہوئے الزام لگایا کہ خواتین کے ریزرویشن پر بی جے پی کی مہم اس کی حقیقت اجاگر کر رہی ہے۔ انہوں نے بی جے پی پر سیاسی فائدے کے لیے خواتین کو گمراہ کرنے اور اس معاملے کو استعمال کر کے جھوٹا بیانیہ گڑھنے کا الزام لگایا۔ سپکال نے یہ بھی کہا کہ اپوزیشن اتحاد پہلے ہی ریزرویشن کے نام پر آئین اور انتخابی عمل تبدیل کرنے کی بی جے پی کی کوششوں کو ناکام  کر چکا ہے اور اب بی جے پی اس معاملے کو پھر سے زندہ کرنے کے لیے ریلیوں اور مظاہرے کا سہارا لے رہی ہے۔