’سخت جواب دیں گے‘، آبنائے ہرمز میں مال بردار جہاز پر امریکی حملہ سے ایران چراغ پا

یہ بھی جانکاری دی گئی ہے کہ 31ویں مرین ایکسپیڈشنری یونٹ کے امریکی مرین فوجیوں نے بعد میں اصولوں کی خلاف ورزی کرنے والے جہاز پر چڑھ کر کارروائی کی، جو اب بھی امریکی حراست میں ہے۔ امریکی کمان نے کہا کہ یہ کارروائی سوچ سمجھ کر، پیشہ ور اور مناسب طریقے سے کی گئی۔ انھوں نے بتایا کہ ناکہ بندی شروع ہونے کے بعد سے 25 کمرشیل جہازوں کو واپس لوٹنے کی ہدایت دی گئی تھی۔ اس سے قبل امریکی صدر ڈونالڈ ٹرمپ نے بھی دعویٰ کیا تھا کہ خلیج عمان میں ناکہ بندی توڑنے کی کوشش کرنے والے جہاز کو امریکی فوج نے پوری طرح سے اپنے قبضے میں لے لیا تھا۔