کیرالہ کابینہ میں ’ویمنس پالیسی 2026‘ پر لگی مہر، ریاست میں صنفی انصاف کو فروغ دینے کا فیصلہ

اس کے علاوہ آن لائن نفرت اور سائبر ہراسمنٹ کے خلاف بھی سخت کارروائی کا التزام کیا گیاہے۔ سنیما اور میڈیا شعبوں میں خواتین کے لیے محفوظ اور سازگار ماحول کو یقینی بنانے کے لیے ہیما کمیٹی کی سفارشات پرعمل درآمد کیا جائے گا۔ ریاستی وزیر وینا جارج نے کہا کہ وزیراعلیٰ کی زیر صدارت ریاستی صنفی نگرانی کمیٹی پالیسی کے نفاذ کی نگرانی کرے گی۔ مزید برآں موثر نفاذ کو یقینی بنانے کے لیے ہر سرکاری محکمے میں ایک جینڈر ریسورس پرسن کا تقرر کیا جائے گا۔