18 سال سے کم عمر افراد کے سوشل میڈیا استعمال پر پابندی، آندھرا پردیش حکومت کا غور
آندھرا پردیش حکومت ریاست میں 18 سال سے کم عمر افراد کے سوشل میڈیا استعمال پر پابندی عائد کرنے سے متعلق قانون بنانے کے امکان کا جائزہ لے رہی ہے۔ یہ بات گورنر عبدالنذیر نے بجٹ اجلاس کے دوران اپنے خطاب میں کہی۔
انہوں نے بتایا کہ اتحادی حکومت ریاست کے جی این ڈی پی کو 2025-26 تک 17.62 لاکھ کروڑ روپے تک پہنچانے اور فی کس آمدنی کو 2.95 لاکھ روپے تک بڑھانے کا ہدف رکھتی ہے، جبکہ صنعتی ترقی کے لیے ون فیملی–ون انٹرپرینیور پروگرام پر کام جاری ہے۔
گورنر کے مطابق اضلاع کی تعداد 28 تک بڑھانے، اراضی ریکارڈ کی ڈیجیٹلائزیشن، لینڈ ٹائٹلنگ ایکٹ کی منسوخی اور سواچھ آندھرا پروگرام جیسے اقدامات بھی کیے گئے ہیں۔
