[]
غزہ: فلسطینی صحافی خالد اسرائیلی بمباری کے وقت جان دیتے ہوئے بھی اسرائیلی بربریت دنیا کو دکھا گیا اور شہید ہوگیا۔ تفصیلات کے مطابق فلسطینی صحافی نے اپنی شہادت کی ویڈیو ریکارڈ کرلی۔
اسرائیلی بمباری کے وقت صحافی خالد اپنے ڈاکٹر ساتھی کے ساتھ جائے پناہ ڈھونڈ رہا تھا اور کیمرا آن تھا کہ اچانک ایک اسرائیلی میزائل نے دونوں کی زندگی کا چراغ گل کر دیا۔ فلسطینی صحافی خالد جان دیتے ہوئے بھی اسرائیلی بربریت دنیا کو دکھا گیا۔
اس سے قبل الجزیرہ ٹی وی کے غزہ میں بیورو چیف کی رہائش گاہ پراسرائیلی فضائی حملےمیں اُن کی اہلیہ، بیٹا اور سات سال کی بیٹی شہید ہوگئی تھی۔
رپورٹر وائل الدحدوح کے خاندان کے کچھ افراد غزہ کے جنوب میں واقع نصیرات پناہ گزین کیمپ میں مقیم ہونے کی وجہ سے حملے میں بال بال بچ گئے۔ جس وقت واقعہ پیش آیا وائل الدحدوح اپنے پیشہ وارانہ فرائض سرانجام دے رہے تھے۔
خیال رہے اسرائیل کی غزہ پر وحشیانہ بمباری میں مزید آٹھ سو فلسطینی شہید ہوگئے ہیں اور بیس دنوں میں شہدا کی تعداد 6 ہزار 654 ہوگئی جبکہ 19 ہزار سے زائد فلسطینی زخمی ہین جن میں 2500 ننھے پھول بھی شامل ہیں۔
