ٹرمپ- زیلینسکی ملاقات سے قبل روس کا کیف پر بڑا حملہ، میزائل اور ڈرون سے لرز اٹھی یوکرین کی راجدھانی

زیلنسکی نے یہ بھی کہا کہ امریکی اور یوکرائنی حکام کی طرف سے تیار کی گئی 20 نکاتی امن تجویز 90 فیصد تیار ہوچکی ہے۔ انہوں نے کہا کہ ٹرمپ کے ساتھ بات چیت میں یوکرین کے لیے طویل مدتی سلامتی کی ضمانتوں اور جنگ کے بعد کے استحکام کو یقینی بنانے میں اتحادیوں کے کردار پر بات ہوگی۔ تاہم ایک انٹرویو میں ڈونالڈ ٹرمپ نے کہا کہ یوکرین اور روس کے درمیان کسی بھی امن معاہدے کے لیے ان کی منظوری ضروری ہو گی۔ پولیٹیکو کے مطابق ٹرمپ نے کہا کہ اس کے پاس میری منظوری کے بغیر کچھ نہیں ہے۔ دیکھتے ہیں کہ وہ کیا لے کر آتے ہیں۔