[]
بنگلورو: کرناٹک کے دارالحکومت بنگلورو کے قریب اٹیبیلے میں پٹاخوں کی ایک دکان میں آگ لگنے کے واقعہ میں جمعرات کو ایک اورشخص کی موت کے بعد مرنے والوں کی تعداد 16 تک پہنچ گئی ہے۔
پولیس نے بتایا کہ متوفی کی شناخت گروی بھاویپالیا کے رہنے والے وینکٹیش (23) کے طور پر کی گئی ہے۔ جب وہ اپنے دوست کی سالگرہ تقریب کے لئے پٹاخے خریدنے دکان پر گیاتھا اس وقت وہ شدید جھلس گیا۔ وہ شہر کے سینٹ جان ہسپتال میں زیر علاج تھا۔
اس سے قبل بدھ کی شام تمل ناڈو کے رہنے والے دنیش (19) نامی شخص کی وکٹوریہ اسپتال میں موت ہوگئی۔ وہ پٹاخوں کی دکان پر کام کرتا تھا۔
