پرینکا گاندھی نے سماجی رابطے کے پلیٹ فارم ’ایکس‘ پر لکھا، ’’بہت سے بچے شہری ماحول میں پرورش پا رہے ہیں اور فطرت سے مکمل طور پر کٹ چکے ہیں۔ اسکولوں کے لیے یہ بہت مفید ہوگا اگر وہ اپنے طلبہ کو فارم اسٹے کے تجربات کے لیے بھیجیں۔‘‘
انہوں نے ایک ویڈیو بھی شیئر کی جس میں وہ کیرالہ کے ضلع کوزیکوڈ کے تروومباڈی قصبے کے قریب اناکمپویل گاؤں کے کارمل ایگرو فارم میں فارم ٹورزم اور ہوم اسٹے کے نمائندوں کے ساتھ بات چیت کر رہی ہیں۔ ویڈیو کے ساتھ انہوں نے لکھا، ’’فارم اسٹے سیاحت کو حکومت کی طرف سے مناسب حوصلہ افزائی اور تشہیر کی ضرورت ہے۔‘‘
