یمن میں سزائے موت کی منتظر ہندوستانی نرس نمیشا پریا کی زندگی بچانے کی امید اب ایک معزز مذہبی شخصیت کی مداخلت سے جڑی ہوئی ہے۔ ممتاز سنی عالم، شیخ کانتھاپورم اے پی ابوبکر مسلیار کی کوششوں سے اس کیس میں نئی جان پڑ گئی ہے اور آج وہ گھڑی آ پہنچی ہے جب فیصلہ کن بات چیت ہونی ہے۔
ذرائع کے مطابق، شیخ ابوبکر مسلیار نے اپنے دیرینہ روابط کو بروئے کار لاتے ہوئے یمن کے ممتاز عالم دین اور شورٰی کونسل کے رکن شیخ حبیب عمر سے رابطہ کیا۔ ان کی دعوت پر مقتول طلال عبدو مہدی کے قریبی رشتہ دار اور حدیدہ کی ریاستی عدالت کے چیف جسٹس دمّار شہر پہنچ چکے ہیں۔ آج، منگل 15 جولائی کو ہونے والی اس ملاقات میں نمیشا پریا کی جان بچانے کی امیدیں وابستہ ہیں۔
