[]
حیدرآباد: ریاست تلنگانہ ضلع سرسلہ کے کوناروپیٹ منڈل کے مضافاتی علاقے شیونگلاپلی میں تیندوے کی موجودگی سے مقامی افراد میں خوف کی لہرپائی جاتی ہے۔ اسی دوران جمعرات کی رات سب اسٹیشن کے سامنے ڈمپنگ یارڈ کے قریب مادہ تیندوے نے دو بچوں کو جنم دیا،
اسی دوران کھیت میں کام کرنے والے ایک کسان نے ایک بچے کو تیندوے کو منہ میں پکڑ کرلے جاتے ہوئے دیکھا اور گاؤں والوں کو اطلاع دی۔ اطلاع ملتےہی منڈل سے بڑی تعداد میں لوگ تیندوے کے بچے کو دیکھنے کے لیے وہاں پہنچے۔
انہوں نے تیندوے کے بچے کے ساتھ تصویریں بھی لیں۔ اطلاع ملتے ہی متعلقہ عہدیدار مقام واقعہ پر پہنچے اور کہا کہ تیندوے کے بچے کو کریمنگر منتقل کیا جائے گا۔
انھوں نے مقامی افراد نے چوکس رہنے کی خواہش کی ہے۔
