[]
حیدرآباد: شہرحیدرآباد میں خیریت آباد میں لگائی گئی گنیش کی مورتی کو دیکھنے کیلئے جانے کے دوران پیش آئے سڑک حادثہ میں دونوجوان ہلاک ہوگئے۔
یہ حادثہ عثمانیہ یونیورسٹی پولیس اسٹیشن کے حدود میں پیش آیا۔ تفصیلات کے مطابق ایڈکمیٹ بریج کے قریب ان نوجوانوں کی بائیک ڈیوائیڈر سے ٹکراگئی۔اس حادثہ میں دونوجوان ہلاک ہوگئے جن کی شناخت یشونت اور سائیلو کے طورپر کی گئی ہے۔
پولیس نے بتایا کہ یہ مہلوک نوجوان بوڈاُپل علاقہ سے تعلق رکھتے ہیں۔پولیس نے ان نوجوانوں کی لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔
