[]
حیدرآباد: تلنگانہ کے چیوڑلہ میں پیش آئے سڑک حادثہ میں دو طلبہ ہلاک اور دیگر دو زخمی ہوگئے۔پولیس کے مطابق کار چلانے والے نے اس کا توازکھو دیاجس کے نتیجہ میں یہ کار سڑک کے کنارے درخت سے ٹکراگئی اور کار میں سوار دو افراد ہلاک ہوگئے جن کی شناخت پرادیپ اور سونی کے طورپر کی گئی ہے۔اس حادثہ میں مزید دو افراد شدیدزخمی ہوگئے۔
اطلاع کے ساتھ ہی پولیس وہاں پہنچی جس نے لاشوں کو پوسٹ مارٹم اور شدید زخمیوں کو علاج کیلئے اسپتال منتقل کردیا۔پولیس نے اس سلسلہ میں ایک معاملہ درج کرلیا۔
اس حادثہ کے نتیجہ میں کار کو شدید نقصان پہنچا۔حادثہ کا مقام دلخراش منظر پیش کررہاتھا۔پولیس نے شبہ ظاہر کیا کہ تیزرفتاری حادثہ کی وجہ ہے۔مہلوکین انجینئرنگ کالج کے طلبا تھے۔
