آئی ایم ایف نے ٹیرف تنازعہ کی وجہ سے عالمی معیشت کی نمو میں معمولی کمی کی پیشن گوئی کی

بین الاقوامی مالیاتی فنڈ (آئی ایم ایف) کی منیجنگ ڈائریکٹر کرسٹالینا جارجیوا نے پیر کو کہا کہ آئی ایم ایف نے اپنی آنے والی ورلڈ اکنامک آؤٹ لک رپورٹ میں امریکی ٹیرف اور جوابی ٹیرف کی وجہ سے عالمی اقتصادی ترقی میں معمولی گراوٹ کی پیشن گوئی کی ہے لیکن کساد بازاری کا کوئی امکان ظاہر نہیں کیا گیا ہے۔ یہ اطلاع منگل کو اسپوتنک نے دی۔

جارجیوا نے کہا’’جب ہم سبھی دستیاب ڈیٹا کا تجزیہ کرلیں گے، تب ہمیں اور زیادہ معلومات ملے گی۔ تین ہفتوں میں ہم اپنا ورلڈ اکنامک آؤٹ لک پیش کریں گے۔ ہمیں کوئی ڈرامائی اثر نظر نہیں آتا ہے۔ اگر کچھ ہوگا تو وہ ایک چھوٹا سا اثر ہوگا۔ نیچے کی جانب، ہاں، لیکن نسبتاً چھوٹا۔ ہمیں کساد بازاری نظر نہیں آرہی ہے۔‘‘

جارجیوا نے کہا کہ تجارتی پالیسی کے گرد غیر یقینی صورتحال عالمی اقتصادی ترقی میں جمود کی بنیادی وجہ ہے۔ جنوری میں، آئی ایم ایف نے اپنے تازہ ترین ورلڈ اکنامک آؤٹ لک میں کہا کہ عالمی معیشت میں 2025 اور 2026 میں 3.3 فیصد اضافے کی توقع ہے، جو 2000-2019 کے اوسط 3.7 فیصد سے کم ہے۔