مہر خبررساں ایجنسی کی رپورٹ کے مطابق، یمنی فوج کے ترجمان میجر جنرل یحیی سریع نے اعلان کیا ہے کہ امریکی طیارہ بردار بحری جہاز ہیری ایس ٹرومن کو چوتھی مرتبہ نشانہ بنایا گیا ہے۔
انہوں نے کہا کہ گزشتہ تین دنوں میں یہ چوتھی بار ہے کہ امریکی طیارہ بردار بحری جہاز اور دیگر جنگی جہازوں کو انصار اللہ کے حملوں کا سامنا کرنا پڑا ہے۔
جنرل یحیی سریع نے مزید کہا کہ یمنی مسلح افواج نے بحیرہ احمر میں امریکی افواج کی نقل و حرکت اور یمن پر بڑے پیمانے پر فضائی حملے کی تیاریوں کا پتہ لگایا تھا، جس کے بعد ایک مشترکہ فوجی آپریشن کیا گیا۔
انہوں نے بتایا کہ انصار اللہ کے مجاہدین نے کروز میزائل اور ڈرونز کے ذریعے امریکی بحری بیڑے پر حملہ کیا اور یہ گزشتہ تین دنوں میں ہیری ایس ٹرومن پر چوتھا حملہ تھا۔
یحییٰ سریع نے زور دیتے ہوئے کہا کہ امریکہ کی جارحیت یمنی قوم کو فلسطینی عوام کی حمایت سے نہیں روک سکتی۔
انہوں نے خبردار کیا کہ جب تک غزہ پر وحشیانہ حملے بند نہیں کیے جاتے اور محاصرہ ختم نہیں ہوتا، ہم صیہونی حکومت کے خلاف اپنی فوجی کارروائیاں مزید تیز کریں گے۔
