مہر خبررساں ایجنسی کی رپورٹ کے مطابق، تہران کے امام جمعہ حجت الاسلام سید محمد حسن ابو ترابی فرد نے نماز جمعہ کے خطبوں میں عالمی استکبار کے مقابلے میں اسلامی مقاومت پر زور دیا۔
انہوں نے امریکی حکام کے متضاد روئے کی طرف اشارہ کرتے ہوئے کہا کہ امریکی ایک طرف پابندیاں لگاتے ہیں جب کہ دوسری طرف مذاکرات کی درخواست کر رہے ہیں۔
امام جمعہ تہران نے کہا کہ آج اسلامی محاذ استکبار کی زیادتیوں کے مقابلے میں پوری طاقت کے ساتھ کھڑا ہے۔
انہوں نے کہا کہ عالمی استکبار انسانیت اور مظلوم قوموں کا استحصال کر رہا ہے اور دوسروں کے حقوق پر ڈاکہ ڈالنے کی پالیسی پر عمل پیرا ہے۔
حجۃ الاسلام ابو ترابی فرد نے کہا کہ اس وقت مظلوم فلسطینیوں پر مظالم کی انتہا کر دی گئی ہے جب کہ دنیا خاموش تماشائی بنی بیٹھی ہے۔
انہوں نے کہا کہ آج عالم اسلام اس ظلم و زیادتی کے خلاف متحد ہے اور مزاحمتی محور مظلوم فلسطینیوں کی حمایت سے ہرگز دستبردار نہیں ہوگا۔
امام جمعہ تہران نے مزید کہا کہ عراق، فلسطین، یمن، لبنان اور حزب اللہ کافروں کے خلاف عزت و سربلندی کے استعارے ہیں۔ یہ عظیم کامیابی اسلامی انقلاب کا نتیجہ ہے جس نے امت اسلامیہ کے لیے عظیم فتوحات کی راہ ہموار کی۔
