سخت محنت و لگن سے فوزیہ جہاں بنی سول جج، خاندان کا نام کیا روشن

فوزیہ کے والد سکندر میرٹھ روڈ پر ٹائر پنچر لگانے کا کام کرتے ہیں جبکہ ان کی والدہ گھیریلو خاتون ہیں۔ فوزیہ کے والدین ناخواندہ ہیں، اس کے باوجود انہوں نے فوزیہ کو تعلیم یافتہ بنانے میں کوئی کسر نہیں چھوڑی۔ فوزیہ کے تین بھائی بہن ہیں۔ سب سے چھوٹا بھائی 12ویں جماعت میں زیر تعلیم ہے۔ ایک بہن بی اے میں ہے، جبکہ بڑا بھائی ٹیکس ایڈوکیٹ ہے۔ فوزیہ کی کامیابی پر والد سکندر بہت خوش ہیں اور لوگوں میں مٹھائیاں تقسیم کر رہے ہیں۔ گھر پر مبارکباد دینے والوں کا تانتا لگا ہوا ہے۔ فوزیہ کے والد کا کہنا ہے کہ ہماری بیٹی نے جج بن کر ہمارا نام روشن کیا ہے۔