[]
حیدرآباد: اجین بک فیسٹیول میں پیر کو ہندو خواتین کے ایک گروپ نے مبینہ طور پر ایک قادیانی کتب فروش پر اس وقت حملہ کردیا جب اس نے گھر پر ڈیلیوری کے لئے ان کا رابطہ نمبر طلب کیا۔مائیکرو بلاگنگ سائٹ ’ایکس‘ پر وائرل ویڈیو میں ہندو خواتین اس کو تھپڑیں مارتی دیکھی گئیں۔
اس قادیانی کتب فروش کی شناخت وقار سلیم کے طور پر کی گئی جو گرداس پور میں واقع ایک پبلیکیشن کے لئے کام کرتا ہے۔ اس نے بک فیسٹیول میں ایک بک اسٹال نصب کی تھی جس کے لئے وہ قادیان سے گرداس پور آیا تھا۔
جب خواتین کے ایک گروپ نے کتاب کی ڈیلیوری کے تعلق سے معلومات حاصل کیں تو اس نے ہوم ڈیلیوری کے لئے ان کا رابطہ نمبر طلب کیا جس پر ان خواتین نے اس کو ہراسانی پر محمول کرتے ہوئے اس کی پٹائی کردی۔ ایک اور ویڈیو میں وقار سلیم کو صورت حال کو سمجھاتے ہوئے دیکھا گیا۔
