اتراکھنڈ: گلیشیئر حادثہ میں پھنسے مزدوروں میں سے 4 کی موت، متاثرہ کنبہ کے تئیں کانگریس کا اظہارِ ہمدردی

کانگریس نے اپنے اس پوسٹ میں مقامی انتظامیہ سے ریسکیو مہم بہتر انداز میں کرنے کی گزارش کی ہے۔ کانگریس نے لکھا ہے کہ ’’انتظامیہ سے اپیل ہے کہ لوگوں کو جلد از جلد بہ حفاظت باہر نکالا جائے اور ان کے پاس راحتی اشیاء پہنچائی جائیں۔‘‘ اس درمیان خبریں سامنے آ رہی ہیں کہ اتراکھنڈ کے وزیر اعلیٰ پشکر سنگھ دھامی کسی بھی وقت گراؤنڈ زیرو پر جا کر حالات کا جائزہ لے سکتے ہیں۔ وزیر اعلیٰ نے ہیلی ریسکیو کے لیے فضائیہ کے ہیلی کاپٹر کے ساتھ یوکاڈا کے ہیلی کاپٹروں کو بھی ہفتہ کی صبح ریسکیو مہم میں شامل کرنے کی ہدایت دی تھی۔ وزیر اعلیٰ نے بتایا کہ ہفتہ کی صبح جنگی سطح پر راحت و بچاؤ کاری کا عمل آگے بڑھایا جائے گا اور ہر مزدور کی بہ حفاظت واپسی کی ہر ممکن کوشش کی جائے گی۔