عادل آباد کے چلکوری میں واقع مدرسہ فلاح دارین رحمت نگر میں بروز جمعرات، 27 فروری 2025 کو ایک شاندار تہنیتی پروگرام کا انعقاد کیا گیا۔ اس پروگرام میں نو فارغ علماء کرام کو شال پوشی کے ذریعے عزت افزائی کی گئی۔ فارغ التحصیل علماء کرام میں مولانا یعقوب صاحب اسعدی، مولانا عبدالعظیم صاحب اسعدی، مولانا محمد احتشام صاحب اسعدی، مولانا محمد فیصل صاحب اسعدی اور مولانا صادق صاحب اسعدی شامل تھے۔
پروگرام کی نظامت کے فرائض مولانا محمد فہیم صاحب اشاعتی نے بخوبی انجام دیے۔ مجلس کا آغاز قرآن کریم کی تلاوت اور نعتیہ کلام سے ہوا، جس نے محفل کو ایک روحانی رنگ دیا۔ اس کے بعد مولانا عبدالعظیم صاحب اسعدی نے علم کی اہمیت پر روشنی ڈالتے ہوئے ایک پر مغز اور دل کو چھو جانے والا خطاب کیا، جس میں انہوں نے طلباء کی تعلیم اور اس کے اثرات پر گفتگو کی۔
پروگرام میں مدرسہ کے ناظم مولانا محمد فہیم صاحب، نائب ناظم حافظ خالد، معلم حافظ بلال اور صدر مدرسہ جناب شیخ محسن صاحب نے نو فارغ علماء کرام کو مبارکباد پیش کی۔
پروگرام کا اختتام مولانا یعقوب صاحب اسعدی کی دعا پر ہوا، جس نے محفل کو ایک روحانی اور بابرکت رنگ دے دیا۔
