کل 22 فروری بروز ہفتہ بعد نمازِ مغرب تا عشاء مقامی جمعیت اہل حدیث اوٹکور کے زیر اہتمام مسجد محمدی محلہ سلفی نگر میں ایک جلسہ عام بعنوان رمضان المبارک کی فضیلت منعقد ہوا۔
جس کی صدارت جناب محمد جاوید صاحب امیر مقامی جمعیت اہل حدیث اٹکور نے کی۔
جلسے کا آغاز حافظ عبدالقیوم متعلم جامعہ درالسلام عمر آباد کی قرأت سے ہوا۔ پھر محمد شریف فیضی صاحب امام و خطیب مسجد ایک مینار محلہ بنڈا نے رمضان سے متعلق ایک بہترین نظم سنائی۔ پھر ان کے بعد فیروز احمد عمری صاحب شاہ پور نے لوگوں سے خطاب کیا۔ انہوں نے اپنے خطاب میں کہا کہ انسان کو زیادہ سے زیادہ نیک اعمال کرنے کی کوشش کرنی چاہیے اس لیے کہ اللہ تبارک و تعالی نے نیک اعمال کرنے والوں کا اجر بہت زیادہ رکھا ہے اور وہ نیک اعمال بھی اخلاص کے ساتھ ہونے چاہیے۔ پھر ان کے بعد مہمان مقرر فضیلت الشیخ ابو ضیاء عبید اللہ خان محمدی امام و خطیب جامع مسجد محمدیہ شاہ پور نے لوگوں سے خطاب کیا اور فرمایا کہ رمضان المبارک نیکیوں کے حاصل کرنے کا مہینہ ہے رمضان المبارک کی فضیلت اہمیت بتاتے ہوئے لوگوں کو زیادہ سے زیادہ عبادت کرنے اور دعا و مناجات میں مشغول رہنے کی ترغیب دلائی اور اسی کے ساتھ ساتھ تمام لوگوں کو اتحاد و اتفاق سے رہنے کی دعوت دی اور کہا کہ اوٹکور کی جماعت بہت پرانی جماعت ہے یہاں پر بڑے بڑے علماء کرام نے آ کر کے خطاب کیا ہے جس کا اثر ہمیں دیکھنے کو مل رہا ہے۔
اور اس پورے جلسے کی کاروائی اور نظامت کے فرائض عبدالتواب متعلم جامعہ دارالسلام عمر آباد نے انجام دیا۔اس موقع پر جناب سیف اللہ خان،نائب امیر محبوب نگر، عبدالخالق،نائب امیر جمیعت اہل حدیث ،ناظم محمد سہیل،خازن محمد اصف بڑے،محمد انور باگو، پیر،محمد شمشدین،محمد زبیر،دیگر موجود تھے
