مہر خبررساں ایجنسی کی رپورٹ کے مطابق، امیر قطر کی ایران آمد پر ایرانی صدر ڈاکٹر مسعود پزشکیان کی جانب سے اُن کا پر تپاک استقبال کیا گیا۔
امیر قطر شیخ تمیم بن حمد الثانی ایران کے سرکاری دورے پر آج تہران پہنچے ہیں جہاں سعدآباد کمپیلس میں ایرانی صدر ڈاکٹر مسعود پزشکیان نے اُن کا پر تپاک استقبال کیا اور انہیں گارڈ آف آنر پیش بھی پیش کیا گیا۔
ایران میں قطر کے سفیر کے مطابق اس دورے کا مقصد دونوں ممالک کے درمیان معیشت، تجارت اور سرمایہ کاری کے شعبوں میں تعلقات کو مضبوط بنانے کے ساتھ ساتھ مشترکہ علاقائی اور بین الاقوامی مسائل پر بات چیت کرنا ہے۔
ایرانی صدر کے دفتر کے مطابق مسعود پزشکیان امیر قطر کی میزبانی کریں گے۔
ایرانی وزیر خارجہ عباس عراقچی نے اس سلسلے میں کہا کہ ہم قطر کو خلیج فارس کے علاقے میں ایک بااثر ملک سمجھتے ہیں اور تہران کے دوحہ کے ساتھ دیرینہ تعلقات ہیں۔
انہوں نے مزید کہا کہ امیر قطر کے ساتھ صدر پزشکیان کی ملاقات کے دوران دونوں ممالک کے درمیان اسٹریٹجک، سیاسی اور اقتصادی تعاون سمیت نہایت اہم امور پر بات چیت ہو گی۔
