کوربا: چھتیس گڑھ سےاتر پردیش کے پریاگ راج میں مہاکمبھ کے لیے جانے والی بولیرو کار حادثے کا شکار ہو گئی۔ بولیرو اور بس کے ٹکرانے سے 10 افراد ہلاک، جبکہ 19 عقیدت مند زخمی ہوگئے۔
تمام مہلوکین کا تعلق ضلع کوربا سے تھا اور عقیدت مند سنگم میں نہانے جارہے تھے۔ یہ حادثہ پریاگ راج-مرزا پور ہائی وے پر میجا علاقے میں سویرے 2.30 بجے پیش آیا۔
تصادم اتنا شدید تھا کہ بولیرو کا اگلا حصہ ٹوٹ گیا۔ پوری بولیرو کچل گئی۔ تمام مہلوکین بولیرو میں سفر کر رہے تھے۔
پولس نے مہلوکین کی لاشیں پوسٹ مارٹم کے لیے بھیج دی ہیں۔ تمام مہلوکین چھتیس گڑھ کے ضلع کوربا کے رہنے والے تھے۔
حادثے میں بس پر سوار 19 عقیدت مند جو سنگم میں نہانے کے بعد بنارس واپس لوٹ رہے تھے، زخمی بھی ہوئے۔ تمام زخمیوں کو سی ایچ سی رام نگر میں داخل کرایا گیا ہے۔
بس میں سفر کرنے والے تمام عقیدت مند مدھیہ پردیش کے راج گڑھ ضلع کے رہنے والے ہیں۔
ہمیں فالو کریں
