[]
حیدرآباد: ایک 4سالہ لڑکی کو جسے یہاں اغواء کرلیا گیا تھا، پولیس نے حفاظت کے ساتھ ریسکیو کرلیا اور اغواکنندہ کو گرفتار کرلیا ہے۔ پولیس نے جمعرات کے روز بتایا کہ ملزم کی شناخت سریش کی حیثیت سے کی ہے۔ وہ، گھٹکیسر میں لڑکی کے گھر کے قریب رہتا ہے۔
سریش نے مبینہ طور پر کمسن لڑکی کو چہارشنبہ کی شب اس وقت اغوا کرلیا جبکہ وہ چاکلیٹ خریدنے کیلئے مکان سے باہر آئی تھی۔ لڑکی کے والدین کی جانب سے شکایت کے اندراج کے بعد پولیس کی ٹیمیں حرکت میں آگئیں۔
پولیس نے سکندرآباد ریلوے اسٹیشن سے اغواء کنندہ کو گرفتار کرتے ہوئے اس کے چنگل سے لڑکی کو باز یاب کرالیا اور لڑکی کو اس کے والدین کے حوالہ کردیا۔ راچہ کنڈہ پولیس کمشنر ڈی ایس چوہان نے یہ بات بتائی۔ پولیس نے سی سی ٹی وی کیمروں کی مدد سے ملزم کو پکڑلیا۔
