مہاکمبھ نگر: وزیر اعظم نریندر مودی نے مہاکمبھ کے موقع پر بدھ کو گنگا، جمنا اور غیر مرئی سرسوتی کے سنگم میں آستھا کی ڈبکی لگائی۔
مسٹر مودی آج صبح تقریباً 10:30 بجے پریاگ راج کے بمرولی ہوائی اڈے پر پہنچے جہاں سے وہ ہیلی کاپٹر کے ذریعے ایریل کے ڈی پی ایس ہیلی پیڈ پر اترے۔
وزیر اعظم صبح تقریباً 11.10 بجے اریل گھاٹ پہنچے اور وہاں سے وہ وزیر اعلیٰ یوگی آدتیہ ناتھ کے ساتھ موٹر بوٹ کے ذریعے سنگم نوز پہنچے اور ویدک منتروں کے جاپ کے درمیان تروینی میں اسنان کیا۔
غسل کے بعد انہوں نے سورج کوارگھیہ بھی دیا اور ملک میں امن و خوشحالی کی دعا کی۔ سنگم اسنان کے بعد مسٹرمودی لیٹے ہنومان جی اور اکشے وٹ کا درشن پوجن کریں گے ۔
اس دوران ان کی اکھاڑوں کے سربراہوں اور سنتوں سے ملاقات کا امکان ہے۔ وزیراعظم کے دورے کے پیش نظر سیکیورٹی کے سخت انتظامات کیے گئے ہیں۔
وزیر اعظم اس سے پہلے 2019 میں 24 فروری کو کمبھ کے موقع پر یہاں آئے تھے اوراسنان دھیان کے بعد انہوں نے کارکنوں کے پاؤں پکھارے تھے۔
مسٹر مودی گزشتہ سال 13 دسمبر کو پریاگ راج آئے تھے اور 5500 کروڑ روپے کے 167 ترقیاتی منصوبوں کا افتتاح کیا تھا۔
دریں اثنا، آج بھی لاکھوں عقیدت مندوں نے مہا کمبھ میں مختلف گھاٹوں پر اسنان کیا۔
سرکاری معلومات کے مطابق، صبح 8 بجے تک 37 لاکھ سے زیادہ عقیدت مند اسنان کرچکے تھے، جس کے بعد اب تک 38 کروڑ سے زیادہ عقیدت مند مہا کمبھ کے سنگم میں آستھا کی ڈبکی لگاچکے ہیں۔
ہمیں فالو کریں
