نظام آباد:(پریس نوٹ)جناب مولانا شیخ اسماعیل عارفی صدر حج سوسائٹی نظام آباد کی اطلاع کے بموجب حج سوسائٹی نظام آباد (رجسٹرڈ)کے زیراہتمام ضلع نظام آباد کے عازمین حج 2025 کا پہلا تربیتی اجتماع ان شاء اللہ 16/فروری بروز اتوار صبح 10/بجے تا سہ پہر 4/بجے بمقام میٹرو فنکشن ہال متصل دفتر بیت المال، سی ایم روڈ، آٹو نگر نظام آباد منعقد کیاجائے گا۔ اس اجتماع میں مفسر قرآن جناب مولانا محترم سید مصطفی مظاہری صاحب مدظلہ العالی لاتور کا عمرہ و حج کے مناسک اور آداب زیارت روضۃ النبی صلی اللہ علیہ وسلم پر تفصیلی خطاب ہوگا۔ محترم مولانا لئیق احمد صاحب قاسمی امام وخطیب جامع مسجد شکر نگر صدارت فرمائیں گے۔ محمد علی شبیر مشیر برائے حکومت تلنگانہ اور حافظ پیر خلیق احمد صابر جنرل سکریٹری جمعیۃ العلماء تلنگانہ آندھرا پردیش، طاہر بن حمدان چیرمین اردو اکیڈیمی ریاست تلنگانہ مہمان خصوصی ہوں گے۔ تمام عازمین حج (مردوخواتین) سے گذارش ہے کہ وہ اس اجتماع میں شرکت فرماکر مستفید ہوں۔ ساتھ ہی عازمین حج سے درخواست ہے کہ ریاستی حج کمیٹی کی ہدایت کے مطابق وہ اپنے اصلی یعنی اوریجنل پاسپورٹ معہ دوعدد فوٹوز 18/فروری2025ء سے قبل دفتر حج سوسائٹی تبارک ہائی اسکول حطائی اسٹریٹ نظام آباد پر جمع کروادیں ان شاء اللہ حج سوسائٹی کے زیر اہتمام دوسرا تربیتی اجتماع بعدرمضان 13/اپریل2025ء کو منعقد ہوگا۔ جس کے مقام کا اعلان متعاقب کیاجائے گا۔ دیگر تفصیلات کے لئے مولاناسید سمیع اللہ نائب صدر 9030903212،جناب محمدنصیر الدین جنرل سکریٹری 9440603210، اور جناب وسیم احمدخان خازن9505384786سے ربط پیدا کیاجاسکتاہے۔
