حیدرآباد: تلنگانہ کے کاماریڈی ضلع میں تیندوے کی موجودگی سے سنسنی پھیل گئی۔یہ تیندواجنگل سے انسانی آبادی میں آگیا جس سے عوام میں خوف پایاجاتا ہے۔
مقامی افرادنے بتایا کہ ایک ہفتہ کے دوران چارجگہ یہ جنگلی جانوردیکھاگیا۔
ضلع کے ایلاریڈی منڈل کے تماپورگاوں میں اچانک یہ تیندوا سڑک پرآگیا۔یہ تیندواسڑک پر لیٹ گیا جس کے نتیجہ میں وہاں سے گذرنے والی گاڑیاں سڑک پر ہی روک دی گئیں۔
بعض افراد نے اس کی ویڈیوزاپنے سل فون میں قید کرلی جو دیکھتے ہی دیکھتے سوشیل میڈیا پروائرل ہوگئیں۔
مقامی افراد نے بتایا کہ اس تیندوے نے قبل ازیں کھیت کے قریب ایک گائے پر حملہ کیاتھا۔
دوسری طرف نظام آبادرورل منڈل ملکاپورمیں بھی تیندوا نظرآیاجس کے نتیجہ میں مقامی افراد میں خوف دیکھاگیاجو اپنے گھروں سے نکلنے سے گریز کررہے ہیں۔
انہوں نے اس بات کی اطلاع محکمہ جنگلات کے عہدیداروں کو دی جنہوں نے وہاں پہنچ کراس کے پنجوں کے نشانات کا معائنہ کیا اورمقامی افرادکو مشورہ دیا کہ وہ چوکس رہیں۔
ہمیں فالو کریں
