کچھ دنوں تک ہلکی گرمی کا احساس کرانے کے بعد موسم کا مزاج ایک بار پھر بدل رہا ہے۔ ٹھنڈ اور کہرے کی پھر سے ہوئی واپسی سے لوگوں کو تھوڑی مشکلات کا سامنا کرنا پڑ رہا ہے۔ خاص طور سے صبح کے وقت دہلی-این سی آر سمیت دوسرے علاقوں میں گھنا کہرا چھائے رہنے کی وجہ سے آمد و رفت متاثر ہوئی ہے۔ محکمہ موسمیات کا کہنا ہے کہ اگلے چار-پانچ دنوں تک اسی طرح کے حالات بنے رہ سکتے ہیں۔ تازہ ویسٹرن ڈسٹربینس کا موسم پر اثر پڑ رہا ہے۔
آئی ایم ڈی کے مطابق ہفتہ کو مغربی ہمالیائی علاقوں میں بارش کا امکان ہے۔ پنجاب، ہریانہ اور چنڈی گڑھ سمیت آس پاس کے مقامات پر ہلکی سے درمیانی بارش ہو سکتی ہے۔ ایسے حالات میں درجہ حرارت میں بھی گراوٹ درج ہوگی اور کہیں کہیں سرد ہواؤں کا اثر بھی دیکھنے کو مل سکتا ہے۔
