دہلی اسمبلی انتخاب: ووٹنگ سے 5 دن قبل عآپ کو لگا شدید جھٹکا، 7 اراکین اسمبلی نے پارٹی چھوڑنے کا کیا اعلان

راجیش رشی نے سوشل میڈیا پلیٹ فارم ’ایکس‘ پر جو اپنا استعفیٰ نامہ شیئر کیا ہے، اس میں وہ لکھتے ہیں کہ ’’عآپ بدعنوانی سے پاک حکومت، شفافیت اور جوابدہی کے اصولوں پر بنی تھی۔ میں نے ان اقدار سے پارٹی کی ایک خاص دوری دیکھی ہے۔‘‘ ساتھ ہی انھوں نے کہا کہ ’’پارٹی بدعنوانی اور اقربا پروری کا ایک کٹورا بن گئی ہے۔ جو لوگ اتحاد و سالمیت کے محافظ بننے والے تھے، وہ اس کے سب سے بڑے خلاف ورزی کرنے والے بن گئے ہیں۔ میں اب ایک ایسی پارٹی کا حصہ نہیں بن سکتا جو اپنی اخلاقی سمت سے ہی دور ہو گئی ہے۔‘‘