این بی سی نیوز کو دیے گئے انٹرویو میں ڈونالڈ ٹرمپ نے کہا کہ وہ پہلے دن ایگزیکٹیو احکام کی ریکارڈ تعداد میں دستخط کرنے کا منصوبہ بنا رہے ہیں۔ واضح ہو کہ ایگزیکٹیو احکام صدر کے ذریعہ یکطرفہ جاری حکم ہے، جو قانون کی طرح طاقت رکھتا ہے۔ قانون کے برعکس ایگزیکٹیو احکام کو کانگریس کی منظوری کی ضرورت نہیں ہوتی۔ کانگریس انہیں پلٹ نہیں سکتی لیکن عدالت میں چیلنج کیا جاسکتا ہے۔
ڈونالڈ ٹرمپ دوسری بار امریکی صدر عہدے کا حلف لینے والے ہیں۔ اس بار ان کے پاس گزشتہ مدت کار سے زیادہ کا تجربہ ہے۔ وہیں ٹیم بھی پچھلی مرتبہ کے مقابلے زیادہ مضبوط بتائی جا رہی ہے۔ کئی ٹیک قد آوروں کو ٹرمپ نے اپنی ٹیم میں شامل کیا ہے۔ ان میں ایلن مسک کا نام سب سے اہم ہے۔
