بیجا پور: چھتیس گڑھ کے ضلع بیجا پور میں جمعرات کے روز سیکوریٹی فورسس کے ساتھ گھمسان انکاونٹر میں تقریباً12 ماؤسٹ ہلاک ہوگئے۔
بندوقوں کی لڑائی میں صبح تقریباً9 بجے جنوبی بیجا پور کے ایک جنگل میں شروع ہوئی جب سیکوریٹی عملہ کی ایک مشترکہ ٹیم مخالف ماؤسٹ کارروائی کے لیے گئی ہوئی تھی۔ وقفہ وقفہ سے فائرنگ کا تبادلہ شام دیر گئے تک جاری رہا۔
ریاستی پولیس کے ڈسٹرکٹ ریزرو گارڈ (ڈی آر جی)‘ کوبرا کی 5بٹالین اور سی آر پی ایف کی 229 ویں بٹالین نے اس کارروائی میں حصہ لیا۔
عہدیدار نے بتایا کہ ابتدائی معلومات کے مطابق بندوقوں کی لڑائی میں 12 نکسلائٹ ہلاک ہوگئے۔ مزید تفصیلات کاانتظار ہے۔ اس علاقہ میں تلاشی مہم بھی جاری ہے۔ سیکوریٹی فورسس کو کوئی نقصان نہیں پہنچا۔ ان ہلاکتوں کے ساتھ ہی جاریہ ماہ ریاست میں اب تک علحدہ انکاونٹرس میں 26 ماؤسٹوں کو مار گرایاگیاہے۔
Photo Source: @Tivary
ہمیں فالو کریں
