نئی دہلی: بی جے پی کے امیدوار پرویش ورما کے خلاف انتخابی ضابطہ اخلاق کی خلاف ورزی پر ایف آئی آر درج کی گئی ہے۔ وہ نئی دہلی اسمبلی حلقے سے عام آدمی پارٹی کے قومی کنوینر اور سابق وزیراعلیٰ اروند کیجریوال کے مدمقابل انتخاب لڑ رہے ہیں۔
پرویش ورما پر ایف آئی آر کے اندراج کے بعد اروند کیجریوال مسلسل ان پر نشانہ لگا رہے ہیں۔ انہوں نے سماجی رابطے کی ویب سائٹ ایکس پر طنز کرتے ہوئے کہا، ’’پرویش ورما نااہل ہونے کی پوری کوشش کر رہے ہیں لیکن الیکشن کمیشن ان کی بات مانتا ہی نہیں!‘‘
