مہر خبررساں ایجنسی کی رپورٹ کے مطابق، ایرانی مسلح افواج کے رئیر ایڈمرل حبیب اللہ سیاری کا کہنا ہے کہ فوج کو آنے والے دنوں میں نئے اسٹریٹیجک جنگی آلات اور ہائی ٹیک ڈرونز فراہم کئے جائیں گے۔
انہوں نے حالیہ فوجی مشقوں میں نئی جنگی ٹیکنالوجی کی رونمائی کا ذکر کرتے ہوئے کہا کہ اس سلسلے میں اٹھائے گئے اہم ترین اقدامات میں سے ایک، ایک ہزار اسٹریٹجک ڈرونز کی فوج میں شمولیت ہے۔
جنرل سیاری نے مزید کہا کہ آنے والے دنوں میں مسلح افواج کی زمینی فورس کو بھی نئے جنگی آلات ملیں گے۔
انہوں نے مزید کہا کہ جسک میں دوسرے بڑے سب میرین ایریا کا پہلا فیز جلد ہی کھول دیا جائے گا، جس میں اس علاقے میں بنی ہوئی بندرگاہ کی سہولیات اور بریک واٹر کی نقاب کشائی کی جائے گی۔
