[]
حیدرآباد: خاتون جج نے سرکاری اسپتال میں لڑکی کو جنم دیا۔تلنگانہ کے راجنا سرسلہ ضلع کے ویمل واڑہ ایریااسپتال میں جونیئر سیول کورٹ کی جج جیوتیرمائی پنڈنتی نے لڑکی کو جنم دیا۔
حیدرآباد سے تعلق رکھنے والی خاتون جج حال ہی میں تبادلے پر ویمل واڑہ آئی تھی۔
وہ ڈیوٹی پر تھیں کہ ان کو درد ہونے لگے جس پر ان کوایریا اسپتال منتقل کیاگیا۔
ڈاکٹر چیتنیا سودھا نے نارمل زچگی کروائی اور خاتون جج نے ایک لڑکی کو جنم دیا۔
ڈاکٹر نے بتایا کہ ماں اور نوزائیدہ کی حالت بہتر ہے۔ اسپتال سپرنٹنڈنٹ ڈاکٹر مہیش راؤ نے بتایا کہ جج اسپتال میں فراہم کی جانے والی طبی خدمات سے مطمئن ہیں۔
