بی جے پی اور عآپ غریبوں کی مشکلات کم کرنے کی بجائے گھڑیالی آنسو بہا رہے ہیں: کانگریس

دیویندر یادو نے مزید کہا کہ جھگی بستیوں کی حالت بدتر ہے۔ گندگی، کوڑے کے ڈھیر، ٹوٹی ہوئی گلیاں اور نکاسی آب کے ناقص انتظامات ان لوگوں کی زندگی کو مشکلات سے دوچار کر رہے ہیں۔ انہوں نے کہا کہ بی جے پی کے جھگیوں میں قیام کا نیا اقدام محض ایک سیاسی ڈرامہ ہے جو انتخابات سے متاثر ہے۔

انہوں نے یہ بھی کہا کہ جھگی بستیوں میں شدید بارش کے دوران پانی، کوڑا کرکٹ اور گندگی ایک ساتھ بہتی ہے، جس کی وجہ سے لوگوں کو اپنے گھر چھوڑنے پر مجبور ہونا پڑتا ہے۔ کیجریوال حکومت نے ان مسائل کو حل کرنے کے لیے کوئی عملی قدم نہیں اٹھایا۔