پتھر گٹی ڈویژن امان نگر اے: مسجد امینہ یوسف گلی میں صفائی کی ناقص حالت، کارپوریٹر سہیل قادری کی غیر سنجیدگی
حیدرآباد 31 اکتوبر (سفیر نیوز) پتھر گٹی کے علاقے امان نگر اے کے مقامی افراد نے مسجد امینہ یوسف گلی میں صفائی کی کمی اور سڑکوں کی خستہ حالت پر شدید ناراضگی کا اظہار کیا ہے۔ شہریوں کا کہنا ہے کہ گلیوں اور راستوں کی صفائی کا کوئی مناسب انتظام نہیں ہے، اور بلدیہ کو عوام کی مشکلات کا خیال رکھنا چاہیے۔ خاص طور پر امان نگر اے میں صفائی کے مسائل روز بروز بڑھتے جا رہے ہیں، اور مقامی کارپوریٹر سہیل قادری کی عدم موجودگی سے شہریوں میں مایوسی اور ناراضگی پائی جا رہی ہے۔
