[]
حیدرآباد: آندھراپردیش کے ضلع کرنول میں پیش آئے سڑک حادثہ میں دو افراد ہلاک اور دیگر5شدید زخمی ہوگئے۔یہ حادثہ ضلع کے چنتہ کنٹہ علاقہ میں اُس وقت پیش آیا جب پڑوسی ریاست کرناٹک سے کرنول کے منترالیم جانے والی کار کے ڈرائیور نے اس کا توازن کھودیا اور یہ کار الٹ گئی۔
اس حادثہ میں دو افراد ہلاک اور 5دیگر شدید زخمی ہوگئے۔زخمیوں میں تین کی حالت تشویشناک بتائی جاتی ہے۔اطلاع ملتے ہی پولیس نے وہاں پہنچ کر زخمیوں کو علاج کے لئے اسپتال منتقل کردیا۔پولیس نے شبہ ظاہر کیا کہ تیز رفتاری حادثہ کی وجہ ہے۔پولیس نے اس سلسلہ میں ایک معاملہ درج کرکے جانچ شروع کردی۔
