’ہمیں ساتھ مل کر جمہوریت اور آئین کی حفاظت کرنی ہے‘، کرناٹک میں کانگریس صدر کھڑگے کا عوام سے خطاب

اپنے خطاب کے آخر میں کھڑگے نے عوام سے اپیل کی کہ وہ کانگریس کو ووٹ دیں۔ اس کے لیے کانگریس صدر نے دو وجوہات بھی بتائیں۔ انھوں نے کہا کہ ’’عوام کو دو چیزوں کے لیے کانگریس کو ووٹ دینا چاہیے۔ ایک ہماری جمہوریت کو بچانے کے لیے، اور دوسرا ہمارے آئین کو بچانے کے لیے۔ مودی جی عوام سے دو تہائی اکثریت دینے کو کہہ رہے ہیں، کیونکہ وہ آئین کو تبدیل کرنا چاہتے ہیں۔ اس کے لیے بی جے پی کو دو تہائی اکثریت درکار ہے۔ اس لیے اگر آپ ہمارے آئین کو بچانا چاہتے ہیں تو کانگریس کو ووٹ دیں۔‘‘