[]
حیدرآباد: بس چلانے میں تاخیر پر آرٹی سی بس ڈرائیور پر مسافرنے حملہ کردیا۔
اس واقعہ کے خلاف تلنگانہ کے ضلع وقارآباد کے بس ڈپو میں بسوں کو روک دیاگیا۔ حملہ کے اس واقعہ کا ویڈیو وائرل ہوگیاجس کے بعد پولیس نے ڈرائیور کی شکایت پر نوازنامی مسافر کے خلاف معاملہ درج کرلیا۔
اس بس ڈرائیور کی شناخت راملو کے طورپر کی گئی ہے۔تفصیلات کے مطابق اس نوجوان نے بس چلانے میں تاخیر کی وجہ دریافت کی جس پر بس ڈرائیور نے اس سے کہاکہ چونکہ وہ اورکنڈکٹر کھانا کھارہے ہیں اسی لئے پانچ منٹ میں بس چلائی جائے گی۔
اس پر برہم نوجوان نے ڈرائیور راملو پر حملہ کردیاجس کے بعد ڈرائیور نے اس خصوص میں وقارآبادپولیس اسٹیشن میں نوجوان کے خلاف شکایت درج کروائی۔پولیس نے اس شکایت کی بنیاد پر ملزم کے خلاف معاملہ درج کرلیا۔
اسی دوران نوجوان کے خلاف کارروائی کا مطالبہ کرتے ہوئے پرائیویٹ بسوں کو روک کراحتجاج کیاگیاجس کے نتیجہ میں صبح ہی سے پرگی۔وقارآباد، حیدرآباد جانے والی بسیں ڈپوز تک ہی محدود رہیں۔
ہمیں فالو کریں
