[]
ابو ظہبی: ہندوستان سے تعلق رکھنے والے خاندان کو طوفانی بارش کے دوران مصری شہری حازم السوید نے ڈوبنے سے بچا لیا۔ جس کی ویڈیو سوشل میڈیا پر وائرل ہورہی ہے۔
العربیہ کے مطابق حازم السوید جو بینک آف مصر کی برانچ میں فرائض انجام دیتے ہیں کا کہنا تھا کہ گھر جانے کیلئے نکلا تو البدع اسٹریٹ پرموجود ایک انڈرپاس میں پھنسے ہندوستانی خاندان کو دیکھا جو مدد کیلئے چلا رہا تھا، ان کی گاڑی پانی میں تقریباً ڈوب چکی تھی۔
مصری شہری کے مطابق ہندوستان سے تعلق رکھنے والے خاندان کی زندگی بچانے کے لئے تیراکی کرتا ہوا ان تک پہنچا اور ان کی جان بچائی۔
ویڈیو میں دیکھا جاسکتا ہے کہ ہندوستانی فیملی گاڑی سے نکلنے کی کوششوں میں مصروف ہے مگر پانی اندر داخل ہونے کے سبب گاڑی کے دروازے لاک ہوگئے تھے۔
مدد کرنے والے مصری شہری نے کہا کہ ہندوستان سے تعلق رکھنے والا خاندان جو میاں بیوی اور ایک بچے پر مشتمل تھا انہیں ایک ایک کرکے گاڑی سے باہر نکالا۔
واضح رہے کہ مصر سے تعلق رکھنے والے فرشتہ صفت انسان 2002 سے امارات میں مقیم ہیں۔ انہیں امارات کا حصہ ہونے پر فخر ہے جسے وہ اپنا دوسرا گھر سمجھتے ہیں۔
ہمیں فالو کریں
