[]
حیدرآباد: تلنگانہ کے ضلع جگتیال میں پیش آئے سڑک حادثہ میں دو افرادہلاک اوردیگر تین افراد زخمی ہوگئے۔
یہ حادثہ ضلع کے چولامامڈی علاقہ کے قریب کل شب اُس وقت پیش آیا جب مخالف سمت سے آنے والی دوبائیکس متصادم ہوگئیں۔
اس حادثہ میں 38سالہ مرزاخواجہ پاشاہ اور28سالہ ٹی وینکٹیش ہلاک ہوگئے۔پولیس کے مطابق مٹ پلی ٹاون کے مسلم پورہ کے رہنے والے خواجہ پاشاہ اپنی دوبیٹیوں عائشہ اورعلیشا کے ساتھ کورٹلہ ٹاون گئے تھے۔
وہ واپس ہورہے تھے کہ مٹ پلی سے کورٹلہ کی سمت جانے والی بائیک سے ان کی بائیک کی ٹکر ہوگئی۔دوسری بائیک پر وینکٹیش اور اے سرینواس سوار تھے۔
اس حادثہ میں خواجہ پاشاہ اور وینکٹیش زخمی ہوگئے۔مقامی افرادنے ان دونوں کو علاج کے لئے اسپتال منتقل کیاجہاں انہوں نے آخری سانس لی۔
سرینواس کے ساتھ ساتھ خواجہ پاشاہ کی دو دختران کو مٹ پلی کے اسپتال لے جایاگیا۔سرینواس کو تاہم بہتر علاج کے لئے نظام آباد کے سرکاری دواخانہ منتقل کیاگیا۔
پولیس نے اس سلسلہ میں ایک معاملہ درج کرکے جانچ شروع کردی۔
ہمیں فالو کریں
