[]
جئے پور: راجستھان کے ضلع اودئے پور میں نشہ میں دھت ایک شخص نے ایک85 سالہ خاتون کو مبینہ طور پر مارمارکرہلاک کردیا۔
ویڈیو میں 70 سالہ ملزم پرتاپ سنگھ کو مہادیومندر کے قریب بوڑھی عورت کو چھتری اور لاتوں سے مارتے دیکھاجاسکتا ہے۔
وہ بوڑھی عورت کو مارپیٹ کرتے ہوئے خود کو بھگوان شیو کا اوتار کہتا سناجاسکتا ہے۔
پولیس کے بموجب 4افراد بشمول پرتاپ سنگھ‘ نتھوسنگھ اور دو کمسن لڑکوں کو جو وہاں موجود تھے اور جنہوں نے واقعہ کی ویڈیوبنائی پوچھ تاچھ کیلئے حراست میں لیاگیا ہے۔
دوران پوچھ تاچھ پرتاپ سنگھ نے پولیس کو بتایاکہ وہ نشہ میں تھا اور خود کو بھگوان شیو کا اوتارسمجھ رہا تھا۔ اس نے دعویٰ کیاکہ وہ عورت کو پھر سے زندہ کردے گا۔ اودئے پور کے سپرنٹنڈنٹ پولیس بھون بھوشن یادو نے یہ بات بتائی۔
