[]
ممبرا اسٹیشن سے کوسہ اور شیل پھاٹا تک پہاڑوں کے دامن میں بسی یہ آبادی آہستہ آہستہ مسلمانوں کا اہم تعلیمی مرکز بنتی جا رہی ہے، جہاں کئی ایسے تعلیمی مراکز کھولے گئے ہیں جو مسلم نوجوانوں کو آئی اے ایس اور دیگر مقابلہ جاتی امتحانات کی تربیت دیتے ہیں۔ رمضان میں ممبرا اسٹیشن پر افطار کا خصوصی انتظام کیا جاتا ہے تاکہ لوکل ٹرین سے ممبئی کی سمت سے آنے والے لوگ تاخیر ہونے پر یہیں افطاری کر سکیں۔ جبکہ آٹو رکشا یونین بھی اپنے اسٹینڈ پر افطار کا انتظام کرتی ہے جس میں آٹو رکشا ڈرائیوروں کے ساتھ ساتھ عام مسافر بھی حصہ لیتے ہیں۔
