[]
میڈیا رپورٹس کے مطابق ایڈیشنل سیشن جج گیتانجلی گوئل نے جروال اور ان کے ساتھی کپل ناگر کے خلاف 2021 میں تعزیرات ہند کی دفعات 306 (خودکشی کی ترغیب)، 120بی (مجرمانہ سازش)، 386 (کسی شخص کو یرغمال بنا کر جبراً وصولی)، 384 (جبراً وصولی)، 506 (مجرمانہ دھمکی) اور 34 (عام ارادہ) کے تحت الزامات طئے کیے تھے۔ علاوہ ازیں ایک دیگر ملزم ہریش کو تعزیرات ہند کی دفعات 306 اور 386 کے تحت جرم سے بری کر دیا گیا تھا۔ حالانکہ ہریش کے لیے یہ ضرور کہا گیا تھا کہ دفعہ 506 کے تحت جرم کے لیے پہلی نظر میں الزام لگایا جا سکتا ہے۔
