[]
حیدرآباد: بی جے پی کے قومی جنرل سکریٹری و رکن پارلیمنٹ بنڈی سنجے کمار نے الزام لگایا کہ کانگریس اور بی آر ایس پارٹیوں میں معاہدہ ہوگیا ہے۔
حسن آباد حلقہ کے کوہیڑا میں انہوں نے میڈیا سے بات کرتے ہوئے کہا کہ پارٹی کی وجئے سنکلپ یاترا پر عوام کا کافی بہتر ردعمل حاصل ہورہا ہے۔
انہوں نے اس یقین کا اظہار کیا کہ تلنگانہ میں بی جے پی 17لوک سبھا نشستوں پر کامیابی حاصل کرے گی جبکہ ملک بھر میں ان کی پارٹی کو 370نشستیں حاصل ہوں گی۔
انہوں نے دعوی کیا کہ بی جے پی، سی بی آئی اور ای ڈی پر کوئی اختیار نہیں رکھتی۔یہ دونوں صرف آزاد تحقیقاتی ایجنسیاں ہیں۔
انہوں نے کہاکہ بی آرایس کی رکن کونسل کویتا کو یہ نوٹس سی بی آئی کے بنیادی ثبوتوں کی بنیاد پر جاری کی گئی ہے۔
ہمیں فالو کریں
