[]
ممبئی: شر انگیزی اور مسلمانوں کے خلاف زہر اُگلنے والا گوشہ محل کا ایم ایل راجہ سنگھ ممبئی کی میراروڈ علاقہ میں منعقد کی جانے والی شوبھا یاترا میں پہنچ گیا۔ میرا روڈ علاقہ جہاں گزشتہ ماہ رام مندر کی افتتاحی تقریب کے دوران فرقہ وارانہ تشدد پھوٹ پڑا تھا۔ تشدد کے بعد اس علاقہ کو پولیس چھاؤنی میں تبدیل کردیا گیا تھا۔
شوبھا یاترا میں شرکت سے قبل اخباری نمائندوں سے بات چیت کرتے ہوئے راجہ سنگھ نے کہا کہ انکی ریالی سے میراروڑ سمیت مہاراشٹرا میں کسی بھی قسم کا امن کو خطرہ نہیں ہوگا نیز وہ ہائی کورٹ کی جانب سے دی گئی مشروط اجازت پر عمل کریں گے۔
واضح رہیکہ ممبئی پولیس نے راجہ کی ریالی نکالنے پر پابندی عائد کر دی تھی جس کے بعد ممبئی ہائی کورٹ نے انھیں مشروط اجازت دی تھی ۔ اسی درمیان پولیس نے مسلم علاقہ کو مکمل گھیر لیا ہے اور روکاوٹیں پیدا کر دی ہیں نیز سخت بندوبست کیا گیا ہے۔
ہمیں فالو کریں
